Համաձայն Հողային օրենսգրքի 66-րդ հոդվածի 1-ին մասի 3-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2003 թվականի ապրիլի 17-ի N 470-Ն, 2006 թվականի մայիսի 18-ի N 912-Ն, 2006 թվականի մայիսի 26-ի N 1022-Ն և 2007 թվականի օգոստոսի 9-ի N 1036-Ն որոշումների, Աբովյան համայնքի ավագանու 2018 թվականի դեկտեմբերի 18-ի N 107-Ն և 2019 թվականի հունվարի 9-ի N 03-Ա որոշումների, հաշվի առնելով Բագրատ Մարգարյանի   համաձայնությունը.  
     1. Աբովյան համայնքի սեփականություն հանդիսացող (հիմք` 2019 թվականի  մայիսի 15-ի  N 15052019-07-0095 վկայական) Հանրապետության պողոտայի  թիվ  17/6/1 հասցեում գտնվող հարթակը՝ 5.8 քառակուսի մետր արտաքին մակերեսով,  պարիսպը՝ 0.8 քառակուսի մետր մակերեսով  և դրանց պահպանման ու սպասարկման համար առանձնացված 31.7 քառակուսի մետր մակերեսով բնակելի կառուցապատման հողամասը գնման նախապատվության իրավունքով ուղղակի վաճառքով օտարել կառույցն իրականացրած Բագրատ Մարգարյանին:
     2. Ընդունել ի գիտություն, որ`
      1) շինությունների պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
      2) շինությունները, համաձայն համայնքի գլխավոր հատակագծի և համայնքին փոխանցված հողերի ցանկի, կառուցված չեն Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
      3) շինությունները կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք:
     3. Ուղղակի վաճառքի գները սահմանված են հետևյալ հաշվարկով.
      1) հարթակի 1 քառակուսի մետրի համար` 7 800 (յոթ հազար ութ հարյուր) դրամ (տարածագնահատման 7-րդ գոտի, կիրառված գործակիցը` 0.26).
      2) պարիսպի 1 քառակուսի մետրի համար` 5 200 (հինգ հազար երկու հարյուր) դրամ (տարածագնահատման 7-րդ գոտի, կիրառված գործակիցը` 0.26). 
      3) առանձնացված   հողամասի  1  քառակուսի  մետրի  կադաստրային  արժեքը`  4 524    (չորս հազար հինգ հարյուր քսանչորս) դրամ:
     4. Բագրատ Մարգարյանը պարտավոր է վճարել.
      1) համայնքապետարանի 900105201777 հաշվեհամարին` 49 400 (քառասունինը հազար չորս հարյուր) դրամ` հարթակի և պարիսպի գինը.
      2) համայնքապետարանի 900105201363 հաշվեհամարին` 143 410 (հարյուր քառասուներեք հազար չորս հարյուր տասը) դրամ` հողամասի գինը.
      3) համայնքապետարանի 900105201652 հաշվեհամարին` 45 000 (քառասունհինգ հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար, 5 000 (հինգ հազար) դրամ` հասցեի տրամադրման ծառայության վճար:
     5. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Բագրատ Մարգարյանի կողմից:
     6. Սույն որոշումն ուժի մեջ է մտնում Բագրատ Մարգարյանին որոշման ընդունման մասին իրազեկելու օրվան հաջորդող օրվանից: