Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 7-րդ հոդվածի 7-րդ մասի և իրավահարաբերության պահին գործող 2003 թվականի ապրիլի 17-ի N 470-Ն որոշման, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 8.1-րդ, 9-րդ, 10-րդ, 11-րդ, 13-րդ և 18-րդ կետերի, հաշվի առնելով այն հանգամանքը, որ բնակելի նշանակության բնակելի տունը կառուցված չէ և ինքնակամ իրականացված ձևափոխումները կատարված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Վազգեն Խուդանյանի դիմումը (մուտք՝ 2020 թվականի դեկտեմբերի 23-ի N Ք-2615).
1. Վազգեն Հովսեփի Խուդանյանին սեփականության իրավունքով պատկանող (հիմք` 2019 թվականի հունիսի 21-ի N 21062019-07-0095 վկայական) Աբովյան քաղաքի Սևանի փողոցի թիվ 4/4/1 հասցեում գտնվող 89.54 քառակուսի մետր մակերեսով հողամասում  ինքնակամ կառուցված 51.9 քառակուսի մետր արտաքին մակերեսով բնակելի տունը, ինքնակամ բացված 4 պատուհանը, 2 դուռը և 2 միջհարկային ծածկի բացվածքը համարել օրինական (հատակագիծը կցվում է):
2. Վազգեն Խուդանյանը պարտավոր է ինքնակամ կառուցված բնակելի տան և ինքնակամ կատարված ձևափոխությունների օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 155 740 (հարյուր հիսունհինգ հազար յոթ հարյուր քառասուն) դրամ, հակառակ դեպքում սույն որոշումը կհամարվի ուժը կորցրած: 
3. Սույն որոշումն ուժի մեջ է մտնում Վազգեն Խուդանյանին որոշման ընդունման մասին իրազեկելու օրվան հաջորդող օրվանից: