Համաձայն «Տեղական ինքնակառավարման մասին»  օրենքի 35-րդ հոդվածի 1-ին մասի 24-րդ կետի, «Նորմատիվ իրավական ակտերի մասին» օրենքի 13-րդ հոդվածի 6-րդ մասի, Աբովյան համայնքի ավագանու 2022 թվականի ապրիլի 15-ի N 25-Ն որոշման և հիմք ընդունելով Աբովյանի համայնքապետարանի աշխատակազմի կրթության, մշակույթի, սպորտի և երիտասարդության հարցերի բաժնի պետի պաշտոնակատարի զեկուցագիրը (մուտք՝ 2022 թվականի հունիսի 29-ի N Ք-3069).
1. 2022 թվականի համար Աբովյան համայնքի ենթակայության երեք մանկապարտեզի (այսուհետ՝ կազմակերպություններ) ծառայություններից օգտվողների համար կիրառել համայնքի կողմից մատուցված ծառայությունների դիմաց  փոխհատուցման գումարի նվազեցման արտոնություններ՝ համաձայն հավելվածի։
2. Կազմակերպությունների տնօրեններին՝
1) ապահովել կիրառված արտոնությունների կատարումը.
2) արտոնություններից օգտվողների կարգավիճակի փոփոխման դեպքում եռօրյա ժամկետում տեղեկատվություն ներկայացնել համայնքապետարան։
3. Սույն որոշումն ուժի մեջ է մտնում ընդունման պահից և  տարածվում է 2022 թվականի հունիսի 1-ից ծագած իրավահարաբերությունների վրա։