Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Նորմատիվ իրավական ակտերի մասին» օրենքի 33-րդ և 34-րդ հոդվածների, հաշվի առնելով Աբովյանի համայնքապետարանի աշխատակազմի քաղաքաշինության բաժնի պետի պաշտոնակատարի զեկուցագիրը (մուտք՝ 2020 թվականի հունվարի 31-ի N Ք-180).
    1. Աբովյան համայնքի ղեկավարի 2019 թվականի դեկտեմբերի 26-ի «Աբովյան քաղաքի Հանրապետության պողոտայի թիվ 1/19 սպասարկման օբյեկտի հարևանությամբ գտնվող համայնքի սեփականություն հանդիսացող հողամասում ինքնակամ կառուցված սպասարկման օբյեկտի մասը համայնքի սեփականություն համարելու, օրինականացնելու և հասցե տրամադրելու մասին» N 1349 որոշման 4-րդ կետը շարադրել նոր խմբագրությամբ.
    «4. Սույն որոշման 1-ին կետում նշված շինության պահպանման ու սպասարկման համար առանձնացված բնակելի կառուցապատման հողամասի գործառնական նշանակությունը համարել փոփոխված որպես հասարակական կառուցապատման հողամաս և տրամադրել հասցե` քաղաք Աբովյան, Հանրապետության պողոտա, թիվ 1/19/1։»։  
     2. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: