Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2022 թվականի ապրիլի 15-ի N 26-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2022 թվականի սեպտեմբերի 27-ի թիվ «321Ա-01/Վ-022» անշարժ գույքի գնահատման մասնագիտական եզրակացությունը, որով անշարժ գույքը գնահատվել է 312 000 (երեք հարյուր տասներկու հազար) դրամ, նկատի ունենալով այն հանգամանքը, որ Սիլվա Խաչիկյանը 1997 թվականից բնակվում է Աբովյան քաղաքի Հանրապետության պողոտայի 7 շենքի թիվ 98 բնակարանում, սակայն ընտանեկան հանգամանքներից ելնելով այն չի սեփականացրել, հիմք ընդունելով Սիլվա Խաչիկյանի դիմումը (մուտք՝ 2022 թվականի դեկտեմբերի 5-ի N Ք-6214), Աբովյան համայնքի ավագանին ո ր ո շ ու մ է`
1. Համայնքի սեփականություն հանդիսացող (հիմք` 2022 թվականի հունվարի 10-ի N 10012022-07-0053 վկայական) Աբովյան քաղաքի Հանրապետության պողոտայի 7 շենքի 17.3 քառակուսի մետր ընդհանուր մակերեսով թիվ 98 բնակարանն ուղղակի վաճառքով` 312 000 (երեք հարյուր տասներկու հազար) դրամով, օտարել Սիլվա Խաչիկյանին:
2. Սիլվա Խաչիկյանը պարտավոր է վճարել.
1) համայնքապետարանի 900105201777 հաշվեհամարին 312 000 (երեք հարյուր տասներկու հազար) դրամ` բնակարանի գինը,
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սիլվա Խաչիկյանի կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում Սիլվա Խաչիկյանին որոշման ընդունման մասին իրազեկելու օրվան հաջորդող օրվանից: |