Հարգելի աբովյանցիներ,
Տեղեկացնում ենք, որ մեկնարկել է «EU4Culture» («ԵՄ-ն հանուն մշակույթի») ծրագիրը, որի շրջանակներում հայտարարվում է մրցույթ ԵՄ Արևելյան Գործընկերության ոչ մայրաքաղաքային բնակավայրերի մշակութային զարգացման ռազմավարություններ մշակելու և իրականացնելու համար:
 Դրամաշնորհին կարող են դիմել Հայաստանի 15.000 կամ ավելի բնակչություն ունեցող մայրաքաղաք չհանդիսացող մեծ և փոքր քաղաքներ: Նախնական փուլում յուրաքանչյուր երկրից կընտրվեն հինգ քաղաքներ՝ ստանալով մինչև 1.000 եվրոյի դրամաշնորհ` ամբողջական հայտի մշակման համար: Դրանցից յուրաքանչյուր երկրից առավելագույնը երեքը կստանան 30.000 եվրո դրամաշնորհ` մշակութային զարգացման ամբողջական ռազմավարություն պատրաստելու համար: Ի վերջո, յուրաքանչյուր երկրից մեկական քաղաքի կշնորհվի մինչև 300.000 եվրո դրամաշնորհ` իր ռազմավարության իրականացման համար:
 Դիմելու համար նախնական առաջարկները (նախագծերի/մտադրությունների նամակների տեսքով) անհրաժեշտ է ներկայացնել Գյոթե ինստիտուտի հայտերի պաշտոնական պլատֆորմում (GAP), որը հասանելի է https://gap-online.goethe.de/en-US/ հղումով: Ընթացիկ փուլում պետք է ներկայացվեն միայն նախնական առաջարկները: Հայտը կարող է լրացվել ինչպես անգլերեն, այնպես էլ մասնակից երկրների պետական լեզուներով: Ընդունման վերջնաժամկետը 2021 թվականի հունիսի 30-ն է:   Եվրոպական միության կողմից ֆինանսավորվող «ԵՄ-ն հանուն մշակույթի» ծրագիրն ուղղված է Արևելյան գործընկերության երկրների մշակութային և ստեղծարար հատվածին՝ նպատակ ունենալով աջակցել մշակույթի՝ որպես տարածաշրջանի աճի և սոցիալական զարգացման շարժիչ ուժի բարգավաճմանը:      Հայտամրցույթի բոլոր մանրամասները հասանելի են http://goethe-zentrum.am/hy/eu4culture/ հղումով:      
 Կից ներկայացնում ենք նաև դրամաշնորհի դիմորդների համար մշակված ուղեցույցը:
 Հարցերի դեպքում  կապ հաստատել ՀՀ ԿԳՄՍ նախարարության հետ (կոնտակտային անձ՝ Մարիամ Գիգոյան, արտաքին կապերի և սփյուռքի վարչության մասնագետ, հեռ.՝ +37410599648, էլ.փոստ՝ m.gigoyan@mincult.am):