Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ բնակելի տունը, շինությունը, ծածկը և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Խորեն Սարգսյանի դիմումը (մուտք՝ 2023 թվականի նոյեմբերի 07-ի N Ք-7219). 1. Խորեն Խաչատուրի Սարգսյանին սեփականության իրավունքով պատկանող (հիմք՝ 2016 թվականի օգոստոսի 09-ի N 09082016-07-0055 վկայական) Աբովյան համայնքի Պտղնի գյուղի 1-ին փողոցի 1-ին նրբանցքի թիվ 11/2 հասցեում գտնվող 300.0 քառակուսի մետր մակերեսով բնակելի կառուցապատման հողամասում ինքնակամ կառուցված 102.40 քառակուսի մետր արտաքին մակերեսով բնակելի տունը, 0.14 քառակուսի մետր արտաքին մակերեսով շինությունը, 6.20 քառակուսի մետր մակերեսով ծածկը և 1.10 քառակուսի մետր մակերեսով պարիսպը համարել օրինական (Կադաստրի կոմիտեում հաշվառման ծածկագիր՝ 2023D2JS9G): 2. Խորեն Սարգսյանը պարտավոր է ինքնակամ կառուցված բնակելի տան, շինության, ծածկի և պարսպի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 216 275 (երկու հարյուր տասնվեց հազար երկու հարյուր յոթանասունհինգ) դրամ, հակառակ դեպքում սույն որոշումը կհամարվի ուժը կորցրած: 3. Սույն որոշումն ուժի մեջ է մտնում Խորեն Սարգսյանին որոշման ընդունման մասին իրազեկելու օրվան հաջորդող օրվանից: |