Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ, 51-րդ և 55-րդ կետերի, Աբովյան համայնքի ավագանու 2023 թվականի դեկտեմբերի 22-ի N 199-Ն որոշման, հաշվի առնելով Գրիգորի Մարտիրոսյանի լիազորած անձ Արամ Գուլոյանի դիմումը (մուտք՝ 2024 թվականի մարտի 21-ի N Ք-2040).
1. Գրիգորի Մարտիրոսյանին սեփականության իրավունքով պատկանող (հիմք` 2024 թվականի մարտի 12-ի N 12032024-07-0111 և N 12032024-07-0063 վկայականներ) Աբովյան համայնքի Առինջ գյուղի Բ թաղամասի 5-րդ փողոցի թիվ 2/1 և թիվ 2/2 հասցեներում գտնվող անշարժ գույքերին՝ «ՄԱՓԻՆԳ» սահմանափակ պատասխանատվությամբ ընկերության կողմից 2024 թվականի մարտի 14-ին կազմված միավորման սխեմայի (կցվում է) համաձայն` տրամադրել միասնական հասցե՝ համայնք Աբովյան, գյուղ Առինջ, Բ թաղամաս, 5-րդ փողոց, 2/1։
2. Գրիգորի Մարտիրոսյանը պարտավոր է Աբովյանի համայնքապետարանի 900105201652 հաշվեհամարին մուծել 10 000 (տասը հազար) դրամ` հասցեի տրամադրման ծառայության վճար:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։