Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշման 3-րդ կետի և որոշմամբ հաստատված կարգի  9-րդ, 10-րդ, 11-րդ, 14-րդ, 15-րդ և 16-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ սրահը, օժանդակ շինությունները, ծածկերը, աստիճանները և պարիսպները կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Եփրեմ Ադյանի դիմումը (մուտք՝ 2023 թվականի նոյեմբերի 15-ի N Ք-7503).
1. Եփրեմ Վասիլի Ադյանին սեփականության իրավունքով պատկանող (հիմք՝ 2012 թվականի օգոստոսի 28-ի N 28082012-07-0237 վկայական) Աբովյան համայնքի Աբովյան քաղաքի 6-րդ միկրոշրջանի թիվ 5/26 հասցեում գտնվող 1351.43 քառակուսի մետր մակերեսով հողամասում ինքնակամ կառուցված 176.0 քառակուսի մետր արտաքին մակերեսով սրահը,  101.85 քառակուսի մետր արտաքին մակերեսով օժանդակ շինությունները, 52.4 քառակուսի մետր  ծածկերը,  8.3 քառակուսի մետր մակերեսով աստիճանները և 8.1 քառակուսի մետր մակերեսով պարիսպները համարել օրինական (Կադաստրի կոմիտեում հաշվառման ծածկագիր՝ 2023SWJGWH):
2. Սույն որոշման 1-ին կետում նշված հողամասի գործառնական նշանակությունը համարել փոփոխված որպես հասարակական կառուցապատման հողամաս։
3. Եփրեմ Ադյանը պարտավոր է ինքնակամ կառուցված սրահի, օժանդակ շինությունների, ծածկերի, աստիճանների և պարիսպների օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 1 365 108 (մեկ միլիոն երեք հարյուր  վաթսունհինգ հազար հարյուր ութ) դրամ, հակառակ դեպքում սույն որոշումը կհամարվի ուժը կորցրած:
4. Սույն որոշումն ուժի մեջ է մտնում Եփրեմ Ադյանին որոշման ընդունման մասին իրազեկելու օրվան հաջորդող օրվանից: