Աբովյանի համայնքապետարանի պաշտոնական կայք

23.05.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՎԵՐՋԻՆ ԴԱՍԻ ԿԱՊԱԿՑՈՒԹՅԱՄԲ

Աբովյան համայնքի սիրելի՛ շրջանավարտներ, ուսուցիչներ, ծնողներ.Ջերմորեն շնորհավորում եմ բոլորիդ Վերջին դասի՝ անմոռանալի և նշանակալից տոնի կապակցությամբ:Աշակերտական տարիների ավարտն ազդարարող Վերջին զանգը շրջանավարտների առջև բացում է նոր ու մեծ կյանքի դռները, որտեղ սպասվում են առավել պատասխանատու, պարտավորեցնող ինքնուրույն քայլեր, միաժամանակ նոր գիտելիքներ ու ոլորտներ բացահայտելու մեծ հնարավորություններ:Հարգարժա՛ն մանկավարժներ.Վերջին դասը հիշարժան ու խորհրդանշական իրադարձություն է ոչ միայն շրջանավարտների, այլև ձեզ համար. այսօր հասուն կյանք եք ճանապարհում հերթական սերնդին, որին կրթել ու դաստիարակել եք նվիրումով՝ ներդնելով մեծ սեր ու ջանքեր: Ի սրտե շնորհավորում եմ և մաղթում՝ լինեք գնահատված ձեր շնորհակալ ... Մանրամասն

22.05.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ՀԱՅ ԵՎ ՌՈՒՍ ԺՈՂՈՎՈՒՐԴՆԵՐԻ ԲԱՐԵԿԱՄՈՒԹՅԱՆ ԹԱՆԳԱՐԱՆՈՒՄ ՆԵՐԿԱ Է ԵՂԵԼ ՀՀ ԱՐՎԵՍՏԻ ՎԱՍՏԱԿԱՎՈՐ ԳՈՐԾԻՉ, ԳԵՂԱՆԿԱՐԻՉ ՍԱՄՎԵԼ ՍԵՎԱԴԱՅԻ ՄԵԾ ՑՈՒՑԱՀԱՆԴԵՍԻ ՀԱՆԴԻՍԱՎՈՐ ԲԱՑՄԱՆԸ

Մայիսի 17-ից 18-ին Աբովյան քաղաքի Հայ և ռուս ժողովուրդների բարեկամության թանգարանում «Թանգարանների գիշեր» և «Թանգարանների միջազգային օր» նախաձեռնությունների շրջանակում բացվեց ՀՀ արվեստի վաստակավոր գործիչ, գեղանկարիչ, լուսանկարիչ, բանաստեղծ Սամվել Սևադայի մեծ և սպասված ցուցահանդեսը:Սամվել Սևադայի 75-ամյակին և Աբովյանում նրա ստեղծագործական գործունեության 50-ամյակին նվիրված ցուցահանդեսին ներկա են եղել Աբովյան համայնքի ղեկավար Էդուարդ Բաբայանը, հանրապետության անվանի և սիրված մտավորականներ, արվեստագետներ և Ս. Սևադայի արվեստը գնահատող մեծաթիվ քաղաքացիներ:Հյուրերը հանդես եկան Սևադային ուղղված մեծարման և շնորհավորական խոսքերով, երաժշտական կատարումներով, ապա ժամեր շարունակ շրջեցին ... Մանրամասն

22.05.25 ԿՈՏԱՅՔԻ ՄԱՐԶՊԵՏ ԱՀԱՐՈՆ ՍԱՀԱԿՅԱՆԸ, ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ՈԼՈՐՏԱՅԻՆ ՆԵՐԿԱՅԱՑՈՒՑԻՉՆԵՐԻ ՀԵՏ ԱՇԽԱՏԱՆՔԱՅԻՆ ՇՐՋԱՅՑ ԵՆ ԿԱՏԱՐԵԼ ՀԱՄԱՅՆՔՈՒՄ ՀԻՄՆԱՆՈՐՈԳՎՈՂ ՄԱՆԱԿՊԱՐՏԵԶԻ ԵՎ ԴՊՐՈՑՆԵՐԻ ՇԻՆՀՐԱՊԱՐԱԿՈՒՄ

Կոտայքի մարզպետ Ահարոն Սահակյանը, Աբովյան համայնքի ղեկավար Էդուարդ Բաբայանը պաշտոնատար անձանց ու ոլորտի ներկայացուցիչների հետ աշխատանքային շրջայց են կատարել Աբովյան համայնքում, դիտարկել սուբվենցիոն ծրագրերով և ՀՀ տարածքային զարգացման հիմնադրամի պատվիրակությամբ իրականացվող աշխատանքները։

Այցի շրջանակներում տեղում հետևել են Աբովյան քաղաքում հիմնանորոգվող թիվ 10 մանկապարտեզի, Մայակովսկի և Կամարիս բնակավայրերում կառուցվող դպրոցների շինաշխատանքներին։

19.05.25 ԱԲՈՎՅԱՆ ՔԱՂԱՔՈՒՄ ՄԱՅԻՍԻ 20-ԻՆ ՋՐԱՄԱՏԱԿԱՐԱՐՄԱՆ ԴԱԴԱՐԵՑՄԱՆ ՄԱՍԻՆ ՎԵՈԼԻԱ ՋՈՒՐ ԸՆԿԵՐՈՒԹՅԱՆ ԻՐԱԶԵԿՈՒՄԸ

Աբովյան համայնքի հարգելի բնակիչներ.
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. մայիսի 20-ին ժամը 12:00-18:00-ն կդադարեցվի Կոտայքի մարզի՝ Աբովյան քաղաքի ջրամատակարարումը:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

16.05.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ԸՆԴՈՒՆԵԼ Է ՍԱՄԲՈՅԻ ԵՎՐՈՊԱՅԻ ԱՌԱՋՆՈՒԹՅԱՆ ՄԵԴԱԼԱԿԻՐ ՄԱՐԶԻԿՆԵՐԻՆ ԵՎ ՍԱՄԲՈՅԻ ՊԱՏԱՆԻՆԵՐԻ ԱՌԱՋՆՈՒԹՅԱՆ ՉԵՄՊԻՈՆԻՆ

Ս.թ. ապրիլի 22-27-ին Կիպրոսի Լիմասոլ քաղաքում անցկացվեց սամբոյի Եվրոպայի առաջնությունը, որին Հայաստանի սամբոյի հավաքականի կազմում մասնակցել են մարզիկներ Աբովյանի Գ. Ծառուկյանի անվան սպորտի և մշակույթի համալիր կենտրոնից:Մեր մարզիկները համառ մրցելույթների արդյունքում վերադարձել են բարձր ցուցանիշներով, մրցանակային պատվավոր տեղերով.Սամբոյի պատանիների Եվրոպայի առաջնության չեմպիոնի տիտղոսը նվաճել է Գոռ ՇատվերյանըՍամբոյի դեռահասների Եվրոպայի առաջնությունում Գոռ Անտոնյանը և Գոռ Մուրադյանը դարձել են բրոնզե մեդալակիրներՄարտական սամբոյի մեծահասակների Եվրոպայի առաջնության բրոնզե մեդալներ են նվաճել Համլետ Սուքիասյանը և Ավետիք Պողոսյանը:Օրերս Աբովյան համայնքի ղեկավար Էդուարդ Բաբայանը հանդիպել է սամբոյի Եվրոպայի ... Մանրամասն

15.05.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԸՆՏԱՆԻՔԻ ՄԻՋԱԶԳԱՅԻՆ ՕՐՎԱ ԿԱՊԱԿՑՈՒԹՅԱՄԲ

Մայիսի 15-ը Ընտանիքի միջազգային օրն է, որը ՄԱԿ-ի Գլխավոր ասամբլեայի կողմից սահամանվել է հասարակության մեջ ընտանիքների կարևոր դերը ընդգծելու և նրանց առջև ծառացած խնդիրների վրա ուշադրություն հրավիրելու նպատակով:Մեզ՝ հայերիս համար ընտանիքը բացարձակ արժեք է, որի լիարժեք ու առողջ զարգացումը կարևորելով, ամենօրյա աշխատանքով ներդնում ենք մեծ ջանքեր:Ամուր և բարձր արժեհամակարգով ընտանիքները կարևոր օղակ են քաղաքակիրթ հասարակության ձևավորման, համայնքների զարգացման ու պետության առաջընթացի հարցում: Այս առումով իմ անմիջական ուշադրությամբ ու հետևողականությամբ Աբովյանի համայնքապետարանը մեծածավալ աշխատանքներ է կատարում կյանքի դժվարին իրավիճակում հայտնված ընտանիքների խնդիրները մեղմելու և անհրաժեշտ ծառայություններ ... Մանրամասն

15.05.25 ԱԲՈՎՅԱՆ ՀԱՄԱՅՆՔԻ ՀՈԱԿ-ՆԵՐՈՒՄ ԸՆՏԱՆԻՔԻ ՄԻՋԱԶԳԱՅԻՆ ՕՐԸ ՆՇՎԵԼ Է ԹԵՄԱՏԻԿ ՄԻՋՈՑԱՌՈՒՄՆԵՐՈՎ, ՀԱՆԴԻՊՈՒՄ-ՔՆՆԱՐԿՈՒՄՆԵՐՈՎ

Ընտանիքի միջազգային օրվա առիթով Աբովյանի համայնքային գրադարանում և Աբովյանի երեխաների աջակցության կենտրոնում անցկացվել են թեմաատիկ միջոցառումներ:

Համայնքային գրադարանում աշխատակազմն ու ծնողներ համայնքից մասնակցել են հոգեբան Արմինե Գրեյանի սեմինարին: «Ընտանիքը՝ վստահության և հոգատարության միջավայր» խորագրի շրջանակներում հյուրը ներկայացրել է ընտանիքում առողջ շփման, ծնող-երեխա փոխհարաբերությունների, սթրեսի հաղթահարման և ընտանեկան միջավայրի կայունացման մեթոդների մասին:

Ընտանիքի միջազգային օրվա առիթով Աբովյանի երեխաների աջակցության կենտրոնում սաների և նրանց ծնողների ներգավվածությամբ մասնագետները կազմակերպել էին մշակութային և կրթադաստիարակչական բնույթի ծրագրերով հագեցած միջոցառում:

14.05.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ԱՇԽԱՏԱՆՔԱՅԻՆ ԱՅՑՈՎ ԵՂԵԼ Է 5-ՐԴ ՄԻԿՐՈՇՐՋԱՆՈՒՄ, ՀԱՆԴԻՊԵԼ ԲՆԱԿԻՉՆԵՐԻՆ ԵՎ ՏԵՂՈՒՄ ԴԻՏԱՐԿԵԼ ԹԱՂԱՄԱՍԻ ԽՆԴԻՐՆԵՐԸ

Աբովյան համայնքի բնակելի թաղամասերում աշխատանքային շրջայցերն ու քաղաքացիների հետ հանդիպումները շարունակվում են:

Համայնքի ղեկավար Էդուարդ Բաբայանը օրերս քաղաքի 5-րդ միկրոշրջանում էր, որտեղ ներկաների հետ քննարկվել են քաղաքում առկա խնդիրներն ու նկատելի դրական փոփոխությունները. առանձնահատուկ խոսվել է համայնքի մաքրության, աղբահանության աշխատանքների բարելավման մասին:

Ոլորտային պատասխանատուների և բնակիչների հետ համայնքի ղեկավարը շրջել և տեղում ծանոթացել է նաև բարձրաձայնված խնդիրներին: Թաղամասում բնակիչների խոսքով առաջնահերթություն է ճանապարհների բարեկարգման, ասֆալտապատման հարցը:

Համայնքի ղեկավարի հանձնարարականով համապատասխան բաժինների կողմից կուսումնասիրվեն խնդիրները՝ հետագա աշխատանքներում ներառելու նպատակով:

14.05.25 ԱԲՈՎՅԱՆ ՀԱՄԱՅՆՔԻ ԲԱԼԱՀՈՎԻՏ ԵՎ ԱՌԻՆՋ ԳՅՈՒՂԵՐՈՒՄ ԲՆԱԿՈՒԹՅՈՒՆ ՀԱՍՏԱՏԱԾ ԱՐՑԱԽՑԻՆԵՐԻ ՀԱՄԱՐ «ԱՌԱՔԵԼՈՒԹՅՈՒՆ ՀԱՅԱՍՏԱՆ» ԲԱՐԵԳՈՐԾԱԿԱՆ ՀԿ-Ն ԿԱՆՑԿԱՑՆԻ ԻՐԱՎԱԿԱՆ ԻՐԱԶԵԿՄԱՆ ԱՐՇԱՎ

ՀԱՅՏԱՐԱՐՈՒԹՅՈՒՆ
«Առաքելություն Հայաստան» բարեգործական հասարակական կազմակերպությունն իրականացնում է 2023 թ. սեպտեմբերի 19-ից հետո Արցախից բռնի տեղահանված անձանց իրավունքների և կարգավիճակի վերաբերյալ իրավական իրազեկման արշավ Հայաստանի Հանրապետության ողջ տարածքում:
Ծրագրի շրջանակում կազմակերպության իրավաբանական թիմը նախատեսում է իրականացնել իրավական իրազեկում Աբովյան համայնքում բնակություն հաստատած շուրջ 50 արցախցիների համար:
Հանդիպումը տեղի կունենա Աբովյանի երեխաների աջակցության կենտրոնում մայիսի 16-ին, ժամը 11:00-ին:
Մանրամասների համար զանգահարել 096 233 979, 044 536 410 հեռախոսահամարով:

1 2 3 4 5 6 7 8 9 10 ...