Համաձայն «Տեղական ինքնակառավարման մասին» օրենքի 42-րդ հոդվածի 1-ին մասի 6-րդ կետի, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2022 թվականի ապրիլի 15-ի N 24-Ն որոշման, հաշվի առնելով Սիլվարդ Սիմոնյանի դիմումը (մուտք՝ 2022 թվականի հունիսի 27-ի N Ք-2994).
1. Համաձայնություն տալ «Վեոլիա Ջուր» փակ բաժնետիրական ընկերության կողմից 2022 թվականի հունիսի 08-ին տրված N ՎՋ-2695/2022 տեխնիկական պայմանի ուղեգծով հետագիծ-նախագծային փաստաթղթերին և  Սիլվարդ Սիմոնյանին տրամադրել ջրամատակարարման և ջրահեռացման համակարգի կառուցման շինարարության թույլտվություն (շինարարության թույլտվությունը կցվում է):
2.  Սիլվարդ Սիմոնյանը պարտավոր է Աբովյանի համայնքապետարանի 900105201454 հաշվեհամարին մուծել 45 000 (քառասունհինգ հազար) դրամ տեղական տուրք` շինարարության թույլտվության համար:
3. Շինարարական աշխատանքները կատարելիս անհրաժեշտ է տեղեկացնել «Աբովյանի համայնքային կոմունալ տնտեսություն» համայնքային ոչ առևտրային կազմակերպությանը, Հայաստանի Հանրապետության ոստիկանության Կոտայքի ճանապարհային ոստիկանությանը և մյուս շահագրգիռ կազմակերպություններին:
4. Քանդված ասֆալտի հատվածները վերականգնել տասնօրյա ժամկետում:
5. Սույն որոշումն ուժի մեջ է մտնում  Սիլվարդ Սիմոնյանին որոշման ընդունման մասին իրազեկելու օրվան հաջորդող օրվանից: