Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի  29-րդ կետի, «Քաղաքաշինության մասին» օրենքի 143-րդ հոդվածի 5-րդ մասի, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի 60-րդ կետի և հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 2023 թվականի հուլիսի 26-ի N 1/փ-213 դրական եզրակացությունը, հաշվի առնելով «ՍԻՆԱ ԼԵՌ» սահմանափակ պատասխանատվությամբ ընկերության տնօրենի դիմումը (մուտք՝ 2023 թվականի մարտի 09-ի N Տ-393)  Աբովյան համայնքի ավագանին ո ր ո շ ու մ է.
1. «ՍԻՆԱ ԼԵՌ» սահմանափակ պատասխանատվությամբ ընկերությանը պատկանող անշարժ գույքի (հիմք՝ 2005 թվականի փետրվարի 25-ի N 1186650 վկայական, Աբովյան համայնքի ղեկավարի 2022 թվականի նոյեմբերի 29-ի N 3810 որոշում) պահպանման և սպասարկման համար առանձնացված Աբովյան համայնքի Աբովյան քաղաքի 2-րդ արդյունաբերական թաղամասի թիվ 17 հասցեում գտնվող 0.52027 հեկտար փաստացի մակերեսով հատուկ նշանակության հողամասի նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության օբյեկտների արդյունաբերական օբյեկտների գործառնական նշանակության հողամասի։
2. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: