Համաձայն «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 1-ին մասի 20-րդ կետի, Հայաստանի Հանրապետության հողային օրենսգրքի 75-րդ հոդվածի և Հայաստանի Հանրապետության կառավարության 2001 թվականի մայիսի 12-ի N 286 որոշման 38-41-րդ կետերի, հաշվի առնելով Հայաստանի Հանրապետության կառավարությանն առընթեր Հայաստանի Հանրապետության Ոստիկանության տնտեսական վարչության պետի 2016 թվականի նոյեմբերի 23-ի N 11/2814 (մուտք՝ 29.11.2016 թվականի N Պ-1389) գրությունը և Աբովյանի համայնքապետարանի աշխատակազմի քաղաքաշինության բաժնի պետի զեկուցագիրը (մուտք՝ 2016 թվականի դեկտեմբերի 02-ի N Ք-2042), Աբովյան համայնքի ավագանին որոշում է.
   1. Աբովյան համայնքի սեփականությունը հանդիսացող (հիմք` 2016 թվականի նոյեմբերի 07-ի 07112016-07-0029 սեփականության վկայական) Հատիսի փողոցի թիվ 1/75/1 հասցեում գտնվող 60.0 քառակուսի մետր մակերեսով հողամասն անհատույց օգտագործման իրավունքով տրամադրել Հայաստանի Հանրապետության կառավարությանն առընթեր Հայաստանի Հանրապետության Ոստիկանությանը` համայնքային ոստիկանության հենակետ կառուցելու նպատակով:
   2. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Հայաստանի Հանրապետության կառավարությանն առընթեր Հայաստանի Հանրապետության Ոստիկանության կողմից:
    3. Սույն որոշումն ուժի մեջ է մտնում ընդունմանը հաջորդող օրվանից: